شيش طاووك فى صينية بطاطس طب ازاى و الله تحفة و بالصورررر السلام عليكم و رحمة الله و بركاته
انا عملت النهاردة شيش طاووك بس بفكرة جديدة حطيت فى الصينية بطاطس و شويته بحيث ان البطاطس تاخد صوص من التتبيلة بتاع الفراخ و الله طعمه جميل جدا
يلا نشوف المقادير
هنجيب صدور الفراخ و نقطعها مكعبات و نتبلها بالتتبيلة دى
بصلة كبيرة_نص طماطماية_فص توم_عصير نص لمونة_ورق لورا_نص مكعب ماجى_زنجبيل فريش_ملح_فلفل_بهارات
و نسيب مكعبات الفراخ فى التتبيلة اقل حاجة 3 ساعات و يفضل طبعا قبلها بيوم
و بعدين نجهز صينية و نحط فيها ورق فويل بس كبيرة شوية عشان هنغطى الفراخ بيها و نقطع بطاطس ترنشات بالشكل ده
و بعدين نجهز طماطم و بصل و فلفل رومى مكعبات و نحضر الاستيكس او الخلة و نضع فيها مكعبات الفراخ
والبصل و الطماطم و الفلفل و هكزا بالتبادل
و نحط الاستيكس فوق البطاطس
و نقفل عليهم ورق الفويل من الجناب كويس و نغطى الصينية و نسويها على نار هادية خالص من ساعة الا ربع
لساعة
و بعدين نحمرها تحت الشواية
و نقدم معاها رز بالشعرية و البطاطس كمان طعمها روعة عشان واخدة صوص من تتبيلة الفراخ
و ده شكل الاكل كله
ها ايه رايكم بقى سهلة و بسيطة و طعمها جميل اوى و الله
اتمنى انها تعجبكم
