دى حياتى قبل القران و الورقة..و دى حياتى بعد القران و الورقة..!!!!!
كاتب الموضوع
رسالة
Admin Admin
المساهمات : 112 تاريخ التسجيل : 08/02/2011
موضوع: دى حياتى قبل القران و الورقة..و دى حياتى بعد القران و الورقة..!!!!! الخميس مارس 31, 2011 3:21 pm
السلام عليكم و رحمة الله و بركاته يا رب تكونوا باحسن حال يارب
انا حياتى (كانت)مملة كئيبة مكنوشة يوم اشتغل فى البيت و يوم مبقاش عارفة اللى المفروض اعمله من كتر المسئوليات يوم اقعد اشتغل فى البيت و بعدين ااجى ابص على عيالى بالليل احزن انى معرفش قضوا يومهم ازاى بس باكلهم و اشربهم و احميهم و بس ابص على البيت القيه ملخبط و مشخبط مع انى طول اليوم بشتغل الله ..ايه الحكاية
حتى القران معنديش اى وقت له ..و فى نفس الوقت البيت يضرب يقلب و مش بقعد مع عيالى و مش بتفرج على التليفزيون حتى فتكات حبيبتى مش لاقيالها وقت
أماااااااااااااال ايه اللى لاقيله وقت لما انا مشغولة اوى كدة انا مش مجنون انا مش مجنووووووووووون .........ههههههههههههههههه دة حالى و حال كتير مننا صح نسيت اقول انى مع انى مشغولة جدا لكن فاضية وقت طويل و زهقانة و فى غربة و معنديش حد اروحله
قلت لأ و الف لأ القران لازم اوجد له وقت و مش حيبقى فى الوقت الباقى لو كان باقى وقت حيبقى اول حاجة حطبخ و اغسل و اقرأ قرانى ..جزء حياخد ايه يعنى الصراحة فى الاول كان طويييييييييييييييل و مكنتش حسة بقلبى ابدا و انا بقرأه..قلت و لا يهمنى هوة بعد الهجر الطويل دة متوقعة حقعد اعيط مثلا..مش مهم..اهوة جزء و حيتقرى نييجى للحاجات اللى ورايا.... كراسة جميلة و قمر كدة ..مانى دلوعة بأة و نغنوشة و لازم اروق نفسى و جنب الحاجات التقليدية اللى هية الاكل و الغسيل و الترتيب ..3 او 4 حاجات و ساعات اكتر حعملهم و شكرا هما ايه الحاجات دى؟؟.. يحددها الاولوية..مثلا ..ترتيب الدواليب ..تحمية العيال و قص ضوافرهم و العناية بيهم تنظيف الحمام تنظيفة تماااااااااام يرجع جديد ..مكواة هدوم كتيييييييير
و بس بعد ماعمل الحاجات اللى كتباها محطتش ايدى فى حاجة..خلاص..جوزى له حق اقعد معاه..ولادى بيكبروا قدامى و مش بلعب معاهم التلفزيون قناة الناس مليانة خير تحفة الاخبار ..(ماليش الحمد لله فى الهلس افلام و مسلسلات و كدة). و الله انى بقيت مشغولة بجد بس بلاقى نتيجة.. ايوة صحيح..القران دلوقتى اللهم ديمها نعمة الجزء بيخلص بسرعة جدا..و بحس بيه و بحلاوته
حياتى غير..مع ان صحتى على ادى..عشان عندى انيميا جامدة مرهقة جامد..ادعولى بأة.. بس بجد مبسوطة اوى يا ريت تجربوا تغيروا حياتكم...الدنيا قصيرة اوى بجد احبكم فى الله
دى حياتى قبل القران و الورقة..و دى حياتى بعد القران و الورقة..!!!!!
