النهاردة أنا جيبتلكم كل الطرق اللي بعمل بيها
صواني البطاطس من مطبخي بالصورحنبدأ بأسهل وأسرع طريقة بالنسبالي
المقادير
بطاطس بأي كمية متقطعة
1 طماطم
1 فلفل أخضر
1 بصلة متوسطة
فرخة مسلوقة
الطريقة حنجيب
البطاطس ونحطها في
الصينية ونحط معاها الطمطماية والفلفلاية
وحنقلبهم مع بعض بطريقة عشوائية
وبعدكده أنا كنت مشوحة
الفرخ في بصلة علي فكرة هيا دي البصلة اللي في المقادير محطتش غيرها وشوحتها في البصلة وحطيت معاها الملح والفلفل والبهارات والكاري وبعدين زودتها ماية وسيبتها تستوي لمدة نص ساعة لحد ما بقت بالشكل ده
وبعدين أخدت المرقة بتاعتها وزودت بيها
البطاطس بالشكل ده
وبعد كده حطيتها علي عين البوتاجاز لحد ما قربت تستوي وبعدين حطيت عليها
الفراخ بالشكل ده
علي فكرة أنا بشيل الصدور أعملها بانية أو شاورمة عشان كده حتلاقوا الفرخة من غير صدرها
وبعديين بحطها في
الفرن لحد ما
البطاطس تستوي وفي الاخر بشغلها الشواية عشان تاخد لون جميل وده بيكون شكلها
ودي صورة كمان عشان الحبايب
صينية البطاطس التانية باللحمةبجيب البطاطس وأحطها في
الصينية ومعاها بصلة متقطعة والملح والتوابل وبحط عليها عصير 3 طماطمات متصفيين ومعلقة زبدة كبيرة ومعلقتين صلصة وأقلبهم كويس وأحطهم علي النار شوية يتسبكم
وبعدين بكون سلقة لحمة بحطها علي البطاطس وبضيف شوربة اللحمة وبسيبهم يغلوا علي النار بالشكل ده
وبعد ين بحطها في الفرن ربع ساعة وبعدين بشغل الشواية عشان أديها لون حل وده بيكون شكلها
وده شكلها من قريب
واللي جاية دي صينية بطاطس ومعاها فراخ مشوية
جبت البطاطس وقطعتها وحطيتها في ماية بملح
وبعين قطعت طماطماية واحدة شرايح رقيقة وفلفلة
وبعدين جبت بصلاية وقطعتها وحطيتها في الصينية ودعكتها مع الملح والفلفل والبهارات والكاري وبعدين فردتها في الصينية بالشكل ده
وبعدين رصيت البطاطس والطماطم والفلفل
قطعتين بطاطس وبعدين شريحة فلفل وبعدين شريحة طماطم بالشكل ده
وبعدين كنت عايزة شوربة أزود بيها البطاطس بس أنا كنت عاملة فراخ مشوية فعملت ايه ؟؟؟؟؟؟؟؟؟
كنت حاطة صينية تحت الفرخة وهيا بتتشوي في الفرن طلعتها وكان نازل دهون كده من الفرخة وده شكلها
رحت جايباها وحطيت عليهم شوية ماية وظبطت الملح والتوابل بتاعتها وسيبتهم يغلو علي النار وزودت بيهم البطاطس
بالشكل ده
وبعدين سيبتها تغلي بالراحة علي عين البوتوجاز
وبعدين رحت جيباها وحطيتها تحت الفرخة وهيا بتتشوي في الفرن بالشكل ده
ودي الفرخة بعد ما اتشوت في الفرن
وده تتبيلة الفرخة المشوية
تحطي في الخلاط بصلاية متوسطة ومعاها 3 فصوص ثوم وعلبة زبادي ومعلقة كاري و2 ملعقة كبيرة مسطردة وملح وفلفل وبهارات وتضربيهم في الخلاط حيبقي قوامهم زي الكريمة حتحطي التتبيلة علي الفرخة وجواها وتحت الجلد وتسيبيها طول الليل في الثلاجة
وبالنسبة لصورة البطاطس بعد لما طلعت من الفرن فللأسف مش لاقياها بس ان شاء الله لم أعملها تاني حنزلكم صورتها
وياريت ياريييييييييييييييت لو الموضوع عجبكم
بالله عليكم ما تنسوش الردود والتقييم لاني تعبت جدا علي ما نزلت الصور وصغرتها
أختكم أم عبد الرحمن