ازيكم يا فتوكاتى
انا لقيت نفسى فشلت فشل زريع
فى الريجيم اسكت اطنش
قلت لآ انا لازمن ولابد اعمل حاجة
قعدت افكر وافكر وافكر
كفاية كده هخس من كتر التفكير
قلت يلا على المطبخ طلعى غيظك كله فيه
وعملت وصفة حلوة كنت جربتها قبل كده
ان شاء الله تعجبكم
البط بالبرتقالكان عندى ذكر
بط كبييييييييييير
قمت قسمته وعملت نصه
بالبرتقالوالنص التانى سلقته عادى
ليوم تانى
المهم ندخل على الطريقة
بسم الله
دى صورته بعد ما نقعته فى ماء وليمون
وبعد كده غسلته بخل
وبعد كده هنعمل فتحات فيه بالشكل ده
فتحات فى كل حته علشان يتشرب من التتبيلة والصوص
ونجيب الخل وندهنه بيه ونجيب كمان الحاجات دى
دقيق
ملح
فلفل
زعتر
روز مارى
ونلخبطهم وندهن البطة بيها من كل حته ومن جوة كمان
وبعدين نجيب بصله وجزرتين وبرتقالة بلدى
ونقطع كل صنف شرايح
هنجيب حلة ونحط فيها زيت او زبدة حسب الموجود
وبعد الزيت مايدفى هنحط البصلة الاول تدبل
وبعد كده نحط الجزر ونسيبه دقيقتين وبعده البرتقال
ونتبلهم بملح وفلفل وزعتر وروز مارى
ونضيف ليهم صويا صوص وعصير برتقال
ونسيبهم على النار ونجيب طاسة تيفال او صينية وندهنها زيت
او لو فى شواية برضه تنفع
ونسخنها كويس ونحط البط عليها علشان نعمله صدمة ونقفل المسام بتاعته
ونفضل نقلب فيه لحد ما نطلع باللون ده
على ما نخلص الخطوة دى هيكون الخليط بتاعنا جاهز وعمل صوص خطير
هنحشى البطة بيه
ونكون مجهزين صينية فرن ونحط فيها الحاجات دى
بصل - كرات-كرفس-برتقال-جزر-ونقطعهم كلهم ونتبلهم زى اللى فات بالظبط
ونحط البطة بعد ما حشيناها عليهم
وكمان نسقيهم بشوية شوربة
ونغطيهم بورق فويل
هندخلهم على طول فرن حامى ونقفل عليهم
وكل شوية نختبر السوا بتاعهم
واول ما البطة تستوى هنكشف الفويل
ونحطها تحت الشواية لحد ما نحصل على اللون الجميل ده
هنحطها فى طبق التقديم حواليها الحشو والصوص
وبألف هنا
أتمنى الوصفة تكون عجبتكم
وإلى اللقاء فى وصفة قادمة